«Қазгермұнай» БК» ЖШС 2024 жылғы «Әлеуметтік жауапкершілік саласындағы үздік кәсіпорын» конкурсында «Үздік білім беру жобасы» номинациясында жеңімпаз атанды. Жеңіс көпфункционалды мектеп оқушылары сарайының құрылысына қаржылық қолдау көрсеткені үшін берілді. Бұл сарай Қызылорда қаласының сол жағалауында 1 қазаннан бастап жұмысын бастады. 

Салтанатты марапаттау Астана қаласында II Еуразиялық әлеуметтік кәсіпкерлер құрылтайы аясында өтті. Іс-шараға ірі компаниялардың топ-менеджерлері, әлеуметтік жауапкершілік саласының мамандары, қоғамдық ұйымдардың жетекшілері, инвесторлар, мемлекеттік құрылымдардың өкілдері және әлеуметтік кәсіпкерлер 20 елден жиналды. 

Конкурстың қорытындылары келесі бағалау критерийлері бойынша шығарылды: қоғамға әсері, жобаның тұрақтылығы мен ауқымы, жобаның ашықтығы, көрстетін әлеуметтік ықпалы. 

Мектеп оқушылары сарайының құрамында: техноорталық, бағдарламалау, робототехника және өнеркәсіптік дизайн сыныптары, экологиялық зертхана, жылыжайлар мен қысқы бақ, телестудия, вокал, музыкалық аспаптар мен хореография сыныптары бар. Қызылорда облысының білім басқармасының мәліметі бойынша сол жағалаудағы жаңа тұрғын ауданында 1 000 мектеп жасындағы бала тұрады. Мектеп оқушылары сарайы қосымша білім беру арқылы 1 200 балаға дейін қамту мүмкіндігін береді. 

Вернуться назад

Комментарии

Оставить комментарий