17 қазан 2025 жылы зейнетке шыққан Бахытжан Қартанбайұлы Тыхановты әріптестері салтанатты түрде шығарып салды. Оның жалпы еңбек өтілі 44 жыл, оның 25 жылын «Қазгермұнай» БК» ЖШС-да еңбек етті.

Бахытжан Қартанбайұлы 2013 жылы Қызылорда агроколледжін «Техник-механик. Автомобильдерге техникалық қызмет көрсету және жөндеу» мамандығы бойынша бітірген.

Еңбек жолын 1980 жылы Қызылорда гидрогеологиялық экспедициясында бұрғылаушы болып бастаған, одан кейін «Талап» АҚ-да жүргізуші болып жұмыс істеді. 2000 жылдан бастап «Қазгермұнай» БК» ЖШС-ға ішкі жану қозғалтқыштарының машинисі болып қабылданды. Зейнетке шыққанға дейін көлік диспетчері қызметін атқарды.

Компаниядағы еңбек жылдарында: 2013 жылы компанияның 20 жылдығына орай «Қазгермұнай» БК» ЖШС-ның Құрмет грамотасы, 2016 жылы Наурыз мерекесіне орай «Қазгермұнай» БК» ЖШС-ның Құрмет грамотасы, 2023 жылы Қазақстан Республикасы Энергетика министрлігінің «Еңбек ардагері» медалімен марапатталды.