2 қазан күні Астанада, Тәуелсіздік сарайында, Kazakhstan Energy Week – 2025 аясында VII KAZENERGY Әйелдер энергетикалық клубының «Women in Energy: Driving Power, Shaping Progress» (Энергетикадағы әйелдер: Қозғаушы күш, прогресті қалыптастыру) атты форумы басталды. Дәстүр бойынша бұл форум энергетикадағы әйелдердің рөлін, гендерлік теңдікті, жұмысшы мамандықтарды дамытуды және саладағы көшбасшылық тәжірибелерді талқылауға арналған негізгі алаңдардың біріне айналды.

Қатысушыларға KAZENERGY Қауымдастығының бас директоры Жандос Нұрмағанбетов, ҚР Энергетика вице-министрі Санжар Жаркешов, WPC Energy президенті Педро Мирас және Қырғызстан Энергетикадағы әйелдер қауымдастығының президенті Алтынай Әбдікәрімова құттықтау сөз сөйледі.

«Қазгермұнайдың» қатысуы

«Казгeрмұнай» БК» ЖШС зертхана меңгерушісі Айшолпан Оразымбетованың «Саладағы әйелдер: жұмысшы мамандықтан көшбасшылыққа дейін» атты панельдік сессиясына спикер ретінде қатысуы компания үшін ерекше мәртебе болды.

Өз сөзінде Айшолпан жеке кәсіби жолы туралы әңгімелеп, техникалық және инженерлік мамандықтардағы әйелдерді қолдаудың маңыздылығын, сондай-ақ қазіргі мұнай-газ саласындағы икемді дағдылардың (soft skills) рөлін атап өтті.

Оның «Әйелдер тек энергияны ғана қозғай қоймай, сонымен бірге прогресті де қалыптастырады» деген сөздері аудиторияның жақсы пікірін тудырып, форумның жалпы идеясын көрсетті.

Айшолпан Оразымбетова қауымдастықтың жиырма жылдығына орай «KAZENERGY» медалімен марапатталды.

Алғашқы әсерлер

Талқылауларға және нетворкингтік кездесулерге қатысқан «Қазгермұнай» өкілдері іс-шараның жоғары деңгейде ұйымдастырылуын, бағдарламаның толықтығын және тәжірибе алмасу үшін ашық мүмкіндіктерді атап өтті. Форумның бірінші күні шабыт, жаңа кәсіби байланыстар беріп, Қазақстан энергетикасындағы әйелдердің рөлі тек күшейе түсетініне деген сенімді нығайтты.

Болашаққа көзқарас

2013 жылы құрылған KAZENERGY Әйелдер энергетикалық клубы саладағы жүздеген әйелді біріктіріп, жұмысшы мамандықтардың дамуын белсенді түрде қолдайды. «Қазгермұнай» үшін VII Форумға қатысу компания қызметкерлерінің жоғары кәсібилігін растап қана қоймай, сонымен бірге энергетиканың прогрессивті және тұрақты болашағын қалыптастыруға үлес қосу мүмкіндігі болды.

Вернуться назад

Комментарии

Оставить комментарий